ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର ଦିଲ୍ଲୀରେ ଭାରତୀୟ ଜନତା ପାର୍ଟି (ବିଜେପି)ର ଇସ୍ତାହାର ଉନ୍ମୋଚନ କରିଛନ୍ତି। ଏହାର ନାମ ସଂକଳ୍ପ ପତ୍ର ରଖାଯାଇଛି। ଏଥିରେ ଅନେକ ପ୍ରକାର ପ୍ରତିଶ୍ରୁତି ଦିଆଯାଇଛି। ଏହି ଅବସରରେ ଗୃହମନ୍ତ୍ରୀ ଅମିତ ଶାହା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏବଂ ଦଳର ଅଧ୍ୟକ୍ଷ ଜେପି ନଡ୍ଡା ଉପସ୍ଥିତ ଥିଲେ। ଏହି ସମୟରେ ସେ କହିଛନ୍ତି ଯେ ଆମର ଫୋକସ ନିବେଶରୁ ରୋଜଗାର ଉପରେ ରହିଛି । ଏହି ସମୟରେ ମୋଦୀ ଏକ ବଡ଼ ପ୍ରତିଶ୍ରୁତି ଦେଇଥିଲେ। ଆସନ୍ତା ୫ ବର୍ଷ ପର୍ଯ୍ୟନ୍ତ ମାଗଣା ଖାଦ୍ୟଶସ୍ୟ ଯୋଜନା ଜାରି ରହିବ ବୋଲି ସେ ପ୍ରତିଶ୍ରୁତି ଦେଇଛନ୍ତି। ଇସ୍ତାହାର ଉନ୍ମୋଚନ ପୂର୍ବରୁ ଏକ ରିଲ୍ ମଧ୍ୟ ସେୟାର କରାଯାଇଥିଲା, ଯେଉଁଥିରେ ବିକଶିତ ଭାରତର ଝଲକ ଦେଖିବାକୁ ମିଳିଥିଲା।
ସେ ଆହୁରି ମଧ୍ୟ କହିଛନ୍ତି ଯେ ଗୋଟିଏ ଦେଶ, ଗୋଟିଏ ନିର୍ବାଚନର ଧାରଣାକୁ ସାକାର କରିବା ପାଇଁ ସଂକଳ୍ପ ନେଇ ଆମେ ଆଗକୁ ବଢ଼ିବୁ। ଦେଶର ସ୍ୱାର୍ଥ ଦୃଷ୍ଟିରୁ ୟୁନିଫର୍ମ ସିଭିଲ କୋଡ୍ (ୟୁସିସି)କୁ ବିଜେପି ସମାନ ଭାବେ ଗୁରୁତ୍ୱପୂର୍ଣ୍ଣ ମନେ କରୁଛି। ପ୍ରଧାନମନ୍ତ୍ରୀ ମୋଦୀ ଆହୁରି ମଧ୍ୟ କହିଛନ୍ତି ଯେ ସମଗ୍ର ଦେଶ ବିଜେପିର ସଂକଳ୍ପ ପତ୍ରକୁ ବହୁତ ଅପେକ୍ଷା କରିଛି। ଏହାର ଏକ ବଡ଼ କାରଣ ରହିଛି। ଗତ ୧୦ ବର୍ଷ ମଧ୍ୟରେ ବିଜେପି ନିଜ ଇସ୍ତାହାରର ପ୍ରତ୍ୟେକ ପ୍ରସଙ୍ଗକୁ ଗ୍ୟାରେଣ୍ଟି ଭାବେ କାର୍ଯ୍ୟକାରୀ କରିଛି। ଏହି ସମୟରେ ଦେଶର ଅନେକ ରାଜ୍ୟରେ ନୂଆବର୍ଷଉତ୍ସାହ ଦେଖିବାକୁ ମିଳୁଛି। ଆଜି ନବରାତ୍ରୀର ଷଷ୍ଠ ଦିନରେ ଆମେ ସମସ୍ତେ ମା’ କାତ୍ୟାୟନୀଙ୍କୁ ପୂଜା କରିଥାଉ ଏବଂ ମା’ କାତ୍ୟାୟନୀ ତାଙ୍କ ଦୁଇ ହାତରେ ପଦ୍ମ ଧରିଛନ୍ତି। ଏହି ସୌଭାଗ୍ୟ ମଧ୍ୟ ଏକ ବଡ଼ ଆଶୀର୍ବାଦ ।
