ଭାରତୀୟ ନୌସେନାର ମାର୍କୋସ୍ କମାଣ୍ଡୋଙ୍କ ଦୁଃସାହସିକ ଅପରେସନ, ସୋମାଲି ଜଳଦସ୍ୟୁଙ୍କ କବଳରୁ ୧୫ ଭାରତୀୟ ଉଦ୍ଧାର

ସୋମାଲିଆ ଉପକୂଳରେ ଅପହୃତ ଏମଭି ଲୀଲା ନର୍ଫୋକ୍ ଜାହାଜରେ ଥିବା ସମସ୍ତ ୧୫ ଜଣ ଭାରତୀୟଙ୍କୁ ଉଦ୍ଧାର କରାଯାଇଛି। ଭାରତୀୟ ନୌସେନାର କମାଣ୍ଡୋମାନେ ଏହି ଜାହାଜ ଉପରେ ଆକ୍ରମଣ କରିବା ସହ ପଣବନ୍ଦୀଥିବା ୧୫ ଜଣ ଭାରତୀୟଙ୍କ ସମେତ ୬ ଜଣ କ୍ରୁ ମେମ୍ବରଙ୍କୁ ଉଦ୍ଧାର କରିଛି।

ଏହା ପୂର୍ବରୁ ଅପହୃତ ଜାହାଜରେ ଭାରତୀୟ ନୌସେନାର ମାର୍କୋସ କମାଣ୍ଡୋମାନେ ଚଢ଼ିଯାଇଥିଲେ । ନୌସେନା ଯୁଦ୍ଧ ଜାହାଜ ଆଇଏନଏସ ଚେନ୍ନାଇ ଯୁଦ୍ଧଜାହାଜ ମାଧ୍ୟମରେ ସେମାନେ ସେଠାରେ ପହଞ୍ଚିଥିଲେ । ସାମୁଦ୍ରିକ ପାଟ୍ରୋଲିଂ ବିମାନ, ପ୍ରିଡେଟର ଏମକ୍ୟୁ୯ବି ଏବଂ ଇଣ୍ଟିଗ୍ରାଲ ହାଲୋସ୍ ବ୍ୟବହାର କରି ଏହାକୁ ନିରନ୍ତର ନିରୀକ୍ଷଣରେ ରଖାଯାଇଥିଲା।

ପୂର୍ବରୁ ଭାରତୀୟ ନୌସେନା ଅପହରଣକାରୀଙ୍କୁ ଅପହୃତ ଜାହାଜକୁ ମୁକ୍ତ କରିବାକୁ ଚେତାବନୀ ଦେଇଥିଲା। ଭାରତୀୟ ନୌସେନା ଯୁଦ୍ଧ ଜାହାଜ ମାଲବାହୀ ଜାହାଜ ‘ଏମଭି ଲୀଲା ନର୍ଫୋକ୍’ ନିକଟରେ ପହଞ୍ଚିବା ମାତ୍ରେ ଡକାୟତମାନଙ୍କୁ ସତର୍କ ସୂଚନା ଜାରି କରିଥିଲା । ଗତକାଲି ବିଳମ୍ବିତ ସନ୍ଧ୍ୟାରେ ତାଙ୍କୁ ସୋମାଲିଆ ଉପକୂଳରୁ ଅପହରଣ କରାଯାଇଥିଲା। ବ୍ରିଟେନ୍ ମେରିଟାଇମ୍ ଟ୍ରେଡ୍ ଅପରେସନ୍ସ (ୟୁକେଏମ୍ଟିଓ) ପକ୍ଷରୁ ଏହି ଅପହରଣ ର ରିପୋର୍ଟ ପ୍ରକାଶ ପାଇଛି। ଏହା ଏକ ବ୍ରିଟିଶ ସାମରିକ ସଂଗଠନ ଯାହା ରଣନୈତିକ ଜଳପଥରେ ବିଭିନ୍ନ ଜାହାଜର ଗତିବିଧି ଉପରେ ନଜର ରଖିଥାଏ ।