ବାରଣାସୀ: ବାରଣାସୀର ଜ୍ଞାନବାପି ପରିସରରେ ଏଏସଆଇ ପକ୍ଷରୁ ବୈଜ୍ଞାନିକ ସର୍ଭେ (କାର୍ବନ ଡେଟିଂ) ଚାଲିଛି । କ୍ୟାମ୍ପସର ବୈଜ୍ଞାନିକ ସର୍ଭେ ସକାଳ ୭ଟାରୁ ଆରମ୍ଭ ହୋଇଥିଲା । ଏହି ସମୟରେ ଜ୍ଞାନବାପି ବାହାରେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଭାରତୀୟ ପ୍ରତ୍ନତତ୍ତ୍ୱ ସର୍ବେକ୍ଷଣ ସଂସ୍ଥା (ଏଏସ୍ଆଇ)ର ଏକ ଟିମ୍ ରବିବାର ବାରଣାସୀରେ ପହଞ୍ଚି ଜ୍ଞାନବାପି କମ୍ପ୍ଲେକ୍ସର ପ୍ରତ୍ନତାତ୍ତ୍ୱିକ ସର୍ବେକ୍ଷଣ କରିଛନ୍ତି । ହିନ୍ଦୁ ପକ୍ଷ ପକ୍ଷରୁ ଆଇନଜୀବୀ ମଦନ ମୋହନ ଯାଦବ କହିଛନ୍ତି ଯେ ଏଏସଆଇ ଟିମ୍ ଜ୍ଞାନବାପି କ୍ୟାମ୍ପସରେ ଥିବା ବଜୁଖାନା ବ୍ୟତୀତ ଅନ୍ୟ ସମସ୍ତ ପରିସରର ସର୍ଭେ କରିବ। ଅଗଷ୍ଟ ୪ ତାରିଖ ସୁଦ୍ଧା ଏଏସଆଇଜିଲ୍ଲା କୋର୍ଟରେ ରିପୋର୍ଟ ଦାଖଲ କରିବାକୁ ପଡ଼ିବ । ଯାଦବ କହିଛନ୍ତି ଯେ ଏଏସଆଇ ଟିମ୍ ସୋମବାର ସକାଳ ୭ଟାରୁ ଜ୍ଞାନବାପି କ୍ୟାମ୍ପସରେ ସର୍ଭେ ଆରମ୍ଭ କରିବ। ଏଥିରେ ପ୍ରତ୍ୟେକ ଆବେଦନକାରୀଙ୍କ ମଧ୍ୟରୁ ଜଣେ ଲେଖାଏଁ ଓକିଲ ରହିବେ।
ଜୁଲାଇ ୨୧ ରେ ବାରଣାସୀ ଜିଲ୍ଲା ଜଜ୍ ଏ.କେ.ବିଶ୍ୱେଶଙ୍କ ଅଦାଲତ ହିନ୍ଦୁ ପକ୍ଷର ଦାବିକୁ ଗ୍ରହଣ କରି ଜ୍ଞାନବାପି ମସଜିଦର ବୈଜ୍ଞାନିକ ସର୍ବେକ୍ଷଣ ପାଇଁ ଅନୁମତି ଦେଇଥିଲେ। ଏହା ପୂର୍ବରୁ ୨୦୨୧ ଅଗଷ୍ଟମାସରେ ୫ ଜଣ ମହିଳା ମସଜିଦ୍ ପରିସରରେ ଥିବା ମା’ ଶୃଙ୍ଗର ଗୌରୀ ସ୍ଥଳରେ ନିୟମିତ ପୂଜା ର୍ଚ୍ଚନା ପାଇଁ ସ୍ଥାନୀୟ ଅଦାଲତରେ ପିଟିସନ୍ ଦାଖଲ କରିଥିଲେ।
