ଆର୍ଟିଫିସିଆଲ ଇଣ୍ଟେଲିଜେନ୍ସ କ’ଣ ସଫ୍ଟଓ୍ବାର ଇଂଜିନିୟରଙ୍କ ଚାକିରି ଖାଇଯିବ ? କ’ଣ କହୁଛନ୍ତି ସୁନ୍ଦର ପିଚାଇ ?

ନୂଆଦିଲ୍ଲୀ: ଆର୍ଟିଫିସିଆଲ ଇଣ୍ଟେଲିଜେନ୍ସ (ଏଆଇ) ଆସିବା ପରେ ସୃଷ୍ଟି ହୋଇଥିବା ସବୁଠାରୁ ବଡ଼ ପ୍ରଶ୍ନଟି ହେଉଛି ଏହା ନିଯୁକ୍ତି ସୁଯୋଗକୁ ଲୋପ କରିଦେବକି ?  ଅନେକ ପେସାଦାର ନିଜର ପେସା ହରାଇବାକୁ ନେଇ ଚିନ୍ତାରେ ଅଛନ୍ତି । ସଫ୍ଟୱେର ଇଞ୍ଜିନିୟରଙ୍କ ଭଳି ଟେକନଲୋଜୀ ସେକ୍ଟରରେ କାମ କରୁଥିବା ଲୋକଙ୍କ ଚାକିରି ପ୍ରତି ଅଧିକ ବିପଦ ଅଛି କି?  ଦିନକୁ ଦିନ ଏଆଇ ଟେକନଲୋଜୀ ନିଜକୁ ଉନ୍ନତ ଓ ସ୍ମାର୍ଟ କରିଚାଲିଛି । କିଛି ଲୋକ ଚିନ୍ତା କରନ୍ତି ଯେ ଏହି ଟେକ୍ନୋଲୋଜି ଖୁବଶୀଘ୍ର ନିଜ ନିର୍ମାତା(ମଣିଷ)କୁ ବି ବଳିଯିବ ।

ଗୁଗୁଲ୍ ସିଇଓ ସୁନ୍ଦର ପିଚାଇ ନ୍ୟୁୟର୍କ ଟାଇମ୍ସ ସହ ଏକ ପୋଡକାଷ୍ଟରେ ଏଆଇ, ଚାଟଜିପିଟି ଏବଂ ବାର୍ଡ ଆଦି ପ୍ରସଙ୍ଗରେ ମତ ରଖିଥିଲେ। ନୂଆ ଟେକ୍ନୋଲୋଜି ସିଷ୍ଟମ ଜରିଆରେ ପ୍ରୋଗ୍ରାମିଂ ଖୁବଶୀଘ୍ର ଅନେକ ଲୋକଙ୍କ ପାଇଁ ଅଧିକ ଉପଲବ୍ଧ ହେବ ବୋଲି ସେ କହିଛନ୍ତି ।

ଗୁଗଲର ବିଭିନ୍ନ ମୁଖ୍ୟାଳୟରେ ହଜାର ହଜାର ସଫ୍ଟୱେର ଇଞ୍ଜିନିୟର କାମ କରୁଛନ୍ତି। ଏହାକୁ ଦୃଷ୍ଟିରେ ରଖି ଗୁଗଲ ସିଇଓ ପିଚାଇଙ୍କୁ ପଚରାଯାଇଥିଲା ଯେ ଏହି ଗତିରେ ଏଆଇ ବୃଦ୍ଧିକୁ ନେଇ ଅଫିସରେ କର୍ମଚାରୀମାନେ କେତେ ଚିନ୍ତିତ ଅଛନ୍ତି। ଏହାର ଜବାବରେ ପିଚାଇ କହିଛନ୍ତି ଯେ ସେ ଅନୁଭବ କରନ୍ତି ଯେ ଆମକୁ ଯେକୌଣସି ଟେକ୍ନୋଲୋଜି ସହ ଖାପ ଖୁଆଇବାକୁ ପଡିବ । ମୁଁ ଭାବୁଛି ଏହା ଅଧିକ ସାମାଜିକ ଅନୁକୂଳନ ହେବ ଏବଂ ଏହାର ଏକ ଅଂଶ ଭାବରେ ଆମେ ସମସ୍ତେ କେତେକ କ୍ଷେତ୍ରରେ ଉନ୍ନତି ଆବଶ୍ୟକ କରିପାରିବା ।

ଏଆଇ ଯୋଗୁଁ ସଫ୍ଟୱେର ଇଞ୍ଜିନିୟରଙ୍କ ଚାକିରି ଯିବା ପ୍ରସଙ୍ଗରେ ପିଚାଇ ଦୁଇଟି କଥା କହିଥିଲେ, ଯାହା ଏଆଇର ଆଗମନ ସହିତ ସତ ହୋଇପାରେ । ସୁନ୍ଦର ପିଚାଇ କହିଛନ୍ତି ଯେ ମୁଁ ଭାବୁଛି ସଫ୍ଟୱେର ଇଞ୍ଜିନିୟରଙ୍କ ପାଇଁ ଦୁଇଟି ଜିନିଷ ଅଛି ଯାହା ଆଗକୁ ସତ ହୋଇପାରେ । ପ୍ରୋଗ୍ରାମିଂର ଅଂଶ ଭାବରେ ଆପଣ କରୁଥିବା କିଛି ଗମ୍ଭୀର କାର୍ଯ୍ୟ ଭଲ ହୋଇଯିବ। ତେଣୁ ସମୟ କ୍ରମେ ପ୍ରୋଗ୍ରାମ କରିବା ଅଧିକ ମଜାଦାର ହୋଇପାରେ, ଯଦି ଆପଣ ପ୍ରୋଗ୍ରାମର ଅଟନ୍ତି ତେବେ ସମୟ କ୍ରମେ ଏହି କୌଶଳ ସାହାଯ୍ୟରେ ମୁଁ ଭାବୁଛି ଏହା ସହଜ ହେବ । ପିଚାଇ ବିଶ୍ୱାସ କରନ୍ତି ଯେ ପ୍ରୋଗ୍ରାମିଂ ଖୁବ୍ ଶୀଘ୍ର ଅନେକ ଲୋକଙ୍କ ପାଇଁ ଅଧିକ ଉପଲବ୍ଧ ହେବ ।

କିନ୍ତୁ ଆର୍ଟିଫିସିଆଲ ଜେନେରାଲ ଇଣ୍ଟେଲିଜେନ୍ସ (ଏଜିଆଇ) ସୃଷ୍ଟି ହେବାପରେ ତାହା କଣ ସୁପରହ୍ୟୁମାନ ହୋଇଯିବ ଓ ମାନବ ଜାତି ପାଇଁ ବିପଜ୍ଜନକ ହୋଇପାରେ? ପିଚାଇ ନକାରାତ୍ମକତାକୁ ଦେଖିବା ପରିବର୍ତ୍ତେ ଫାଇଦା ବିଷୟରେ କହିଥିଲେ । ଏହା ସ୍ପଷ୍ଟ ଯେ ଏହି ଟେକ୍ନୋଲୋଜି ମୋ ପାଇଁ ବହୁତ ଉପଯୋଗୀ ହେବାକୁ ଯାଉଛି । ଆପଣଙ୍କ ପାଖରେ ଏପରି ସିଷ୍ଟମ ରହିବ ଯାହା ଆମେ ପୂର୍ବରୁ କେବେ ଦେଖିନଥିବା ସ୍ତରର ଲାଭ ପ୍ରଦାନ କରିବାକୁ ସକ୍ଷମ ।